প্লুটোক গ্ৰহৰ মৰ্যাদাৰ পৰা কিয় আঁতৰোৱা হ'ল, বাওনা গ্ৰহ আৰু কুইপাৰ বেল্ট কি, আৰু সৌৰজগত পাৰ হৈ যোৱা পঞ্চম মহাকাশযানখন কি — এই প্ৰশ্নকেইটাৰ উত্তৰ ইয়াত দিয়া হৈছে। ভয়েজাৰ-১, ভয়েজাৰ-২, পায়নিয়াৰ-১০ আৰু পায়নিয়াৰ-১১ৰ পিছত নাছাৰ New Frontiers কাৰ্যসূচীৰ অধীনত নিৰ্মিত New Horizons হ'ল সৌৰজগত পাৰ হৈ অনন্ত ব্ৰহ্মাণ্ডৰ দিশে আগবঢ়া পঞ্চম মানৱনিৰ্মিত যান। নেপচুনৰ সিপাৰে থকা কুইপাৰ বেল্টত অসংখ্য গ্ৰহাণুৰ লগতে প্লুটো, Eris, Haumea, Makemake আদি বাওনা গ্ৰহ আছে; প্লুটোৰ কক্ষপথ নেপচুনৰ কক্ষপথৰ লগত মিলি যোৱাৰ বাবে ২০০৬ চনত আন্তৰ্জাতিক জ্যোতিৰ্বিজ্ঞান সংঘই ইয়াক বাওনা গ্ৰহ হিচাপে পুনৰ শ্ৰেণীভুক্ত কৰে।
প্লুটোৰ ব্যাস ২৩৭৬ কিলোমিটাৰ আৰু ইয়াৰ Charon, Styx, Nix, Kerberos আৰু Hydra নামৰ পাঁচটা উপগ্ৰহ আছে। ২০০৬ চনৰ ১৯ জানুৱাৰীত Atlas V ৰকেটেৰে উৎক্ষেপিত New Horizonsএ বৃহস্পতিৰ মাধ্যাকৰ্ষণৰ সহায় লৈ ২০১৫ চনৰ জুলাইত প্লুটোৰ ১২,৫০০ কিলোমিটাৰ ওচৰেৰে পাৰ হয়, ২০১৯ চনত Arrokoth নামৰ বাওনা গ্ৰহ অধ্যয়ন কৰে আৰু ২০২১ চনৰ ১৫ এপ্ৰিলত সূৰ্যৰ পৰা ৫০ Astronomical Unit দূৰত্ব অতিক্ৰম কৰে। বিজ্ঞানীসকলে অনুমান কৰিছে যে ২০৩০ চনৰ পিছত যানখনৰ RTG নিউক্লিয়াৰ বেটাৰী শেষ হ'ব, কিন্তু ২০৩৮ চনলৈ সক্ৰিয় থাকিলে ই ১০০ Astronomical Unit দূৰত্বত হেলিঅ'স্ফিয়াৰ আৰু আন্তঃনাক্ষত্ৰিক মহাকাশ অধ্যয়ন কৰিব পাৰিব।
