আগৰ সংখ্যাৰ পৰা চলি থকা এই ধাৰাবাহিক লেখাটোৰ এই কিস্তিত প্ৰাচীন সভ্যতাৰ গ্ৰহণৰ অভিলেখসমূহৰ কথা কোৱা হৈছে। ছিৰিয়াৰ পুৰণি বন্দৰ চহৰ ইউগাৰিটত ১৯৪৮ চনত উদ্ধাৰ হোৱা মাটিৰ ফলিত (KTC 1.78) লিপিবদ্ধ পূৰ্ণগ্ৰাস সূৰ্যগ্ৰহণটো প্ৰথমে খ্ৰীষ্টপূৰ্ব ১৩৭৫ চনৰ বুলি অনুমান কৰা হৈছিল যদিও পিছত সকলো গ্ৰহণৰ গণনাৰ ভিত্তিত সেয়া খ্ৰীষ্টপূৰ্ব ১২২৩ চনৰ ৫ মাৰ্চৰ বুলি নিৰ্ণয় কৰা হয়; ফলিত উল্লেখ থকা 'সাক্ষী' Rsp যে মংগল গ্ৰহ, সেই কথাও ব্যাখ্যা কৰা হৈছে। ইজিপ্তীয় হে'ৰোগ্লিফিক আৰু মেছপটেমিয়াৰ কিউনে'ফৰ্ম লিপিৰ পাঠোদ্ধাৰৰ ফলতহে এনে তথ্য জনা সম্ভৱ হোৱাৰ কথা কোৱা হৈছে।
ইংলেণ্ডৰ ষ্ট'নহেঞ্জ আৰু আয়াৰলেণ্ডৰ পাঁচ হাজাৰ বছৰীয়া শিলৰ স্মাৰকত চন্দ্ৰ-সূৰ্যৰ চক্ৰ আৰু খ্ৰীষ্টপূৰ্ব ৩৩৪০ চনৰ এটা সূৰ্যগ্ৰহণৰ চিত্ৰ খোদিত থকাৰ পল গ্ৰিফিনৰ ১৯৯৯ চনৰ অধ্যয়নৰ কথা উল্লেখ কৰা হৈছে। শেষত গ্ৰীক কবি আৰ্কিলোকাছৰ কবিতাত বৰ্ণিত পূৰ্ণগ্ৰাস সূৰ্যগ্ৰহণ (খ্ৰীষ্টপূৰ্ব ৬৪৭ বা ৬৬০ চন) আৰু পাৰছ দ্বীপৰ এই কবিৰ চমু পৰিচয় দিয়া হৈছে। লেখাটো পৰৱৰ্তী সংখ্যাত চলিব।
