অসমীয়া ভাষাত শিশু আৰু চেমনীয়াৰ উপযোগী বিজ্ঞান কিতাপৰ সংখ্যা কম যদিও যিবোৰ আছে, সেইবোৰক দহটা শ্ৰেণীত ভাগ কৰি লেখিকাই এখন চমু তালিকা আগবঢ়াইছে। কল্পবিজ্ঞানৰ ভিতৰত শৰাইঘাট প্ৰকাশনৰ কালজয়ী সাহিত্য চিৰিজৰ জুলে ভাৰ্ণ আৰু এইচ জি ৱেলছৰ অনুবাদ আৰু শান্তনু তামুলীৰ 'গ্ৰহযুদ্ধ', জীৱনী শিতানত বিনয় মোহন শইকীয়া, জয়ন্ত মাধৱ আৰু আব্দুল কালামৰ 'অগ্নিৰ ডেউকা', আৰু নেচনেল বুক ট্ৰাষ্টৰ সুলভ মূল্যৰ 'কাইলৈ এনে ঘটিছিল', 'আজিৰ মহাকাশ' আদি কিতাপৰ নাম উল্লেখ কৰা হৈছে। সাধাৰণ বিজ্ঞানত শান্তনু কৌশিক বৰুৱাৰ 'সৌৰজগত', গাণিতিক সাঁথৰত পংকজ জ্যোতি মেধিৰ 'অংক নহয় আতংক', বিজ্ঞান প্ৰবন্ধত বিপুলজ্যোতি শইকীয়াৰ 'সোণালী সংখ্যা' আৰু কনক চন্দ্ৰ বৰুৱাৰ 'ফৰেনচিক বিজ্ঞান কি কিয় কেনেকৈ' আৰু সংগ্ৰহ পুথিত সৌম্যদীপ দত্তৰ বনৰীয়া জন্তুৰ সংগ্ৰহ আৰু তেজপুৰ বিশ্ববিদ্যালয়ৰ চৰাই-উদ্ভিদ সংগ্ৰহৰ কথা কোৱা হৈছে।
বিজ্ঞান কুইজ, বিদ্যালয়ৰ পাঠ্যক্ৰমৰ বিজ্ঞান প্ৰকল্প পুথি আৰু ক্ষীৰধৰ বৰুৱাৰ সম্পাদনাত প্ৰকাশিত বৈজ্ঞানিক পৰিভাষাৰ অভিধানো তালিকাত অন্তৰ্ভুক্ত। সামৰণিত কোৱা হৈছে যে কিতাপৰ লগতে দূৰবীণ, দূৰবীক্ষণ যন্ত্ৰৰ দৰে সঁজুলি আৰু ঘৰতে সৰু গৱেষণাগাৰ এটা থাকিলে শিশুৰ বৈজ্ঞানিক মনস্তত্ত্বৰ বিকাশ সঠিকভাৱে হ'ব।
