২২ জুলাইক 'Pi Approximation Day' আৰু ১৪ মাৰ্চক 'Pi Day' হিচাপে পালন কৰাৰ কথাৰে আৰম্ভ কৰি গণিতৰ অধ্যাপক নয়নদীপ ডেকা বৰুৱাই 22/7 আৰু পাইৰ সম্পৰ্ক ব্যাখ্যা কৰিছে। বৃত্তৰ পৰিধি আৰু ব্যাসৰ অনুপাত সদায় ধ্ৰুৱক, আৰু স্কুলত শিকা 22/7 মানটো পাইৰ আসন্ন মানহে — প্ৰকৃত মান নহয়। 22/7 এটা পৰিমেয় সংখ্যা যাৰ দশমিক প্ৰকাশ পুনঃপৌনিক (3.142857 142857…), আনহাতে ১৭৬৭ চনত লেম্বাৰ্টে প্ৰমাণ কৰা অনুসৰি পাই অপৰিমেয়, সেয়ে ইয়াৰ দশমিক প্ৰকাশ অসীম আৰু অপুনঃপৌনিক; দশমিকৰ পিছৰ মাথোঁ দুটা স্থানলৈহে 22/7-এ পাইৰ শুদ্ধ মান দিয়ে।
22/7 যে পাইতকৈ ডাঙৰ, তাক গণিতজ্ঞ ডালজেলে ১৯৪৪ চনত এটা সমাকল (integral) সূত্ৰেৰে প্ৰমাণ কৰাৰ কথা কৈ সূত্ৰটোৰ অৰ্থ বুজোৱা হৈছে। টোকাত লেখকে উল্লেখ কৰিছে যে 'পাই মানে 22/7' বুলি ভুল ধাৰণা প্ৰচলিত আছে আৰু ২০১৯ চনৰ ১৪ মাৰ্চত Google-ৰ কৰ্মচাৰী Emma Haruka Iwao-ই পাইৰ মান ৩১.৪ ট্ৰিলিয়নতকৈও বেছি দশমিক স্থানলৈ উলিয়াই নতুন ৰেকৰ্ড গঢ়িছে।
