অসমৰ বিজ্ঞান জনপ্ৰিয়কৰণৰ অগ্ৰণী ব্যক্তি ক্ষীৰধৰ বৰুৱাৰ জীৱন আৰু কৰ্মৰ এক বিস্তৃত পৰিচয় ‘বিজ্ঞান জগতৰ সোণালী মুকুটা’ শিতানৰ এই লেখাত দাঙি ধৰা হৈছে। ১৯৪৭ চনত শোণিতপুৰৰ জামুগুৰিহাটৰ বাঁহবৰীয়া গাঁৱত জন্ম হোৱা বৰুৱাই শৈশৱতে পুখুৰীত টাৰ্বাইন লগোৱা ভুৰ চলাই, ১২ বছৰত টেলিগ্ৰাফ যন্ত্ৰ নিৰ্মাণ কৰি আৰু হাতে লিখা ‘শলিতা’ আলোচনী প্ৰকাশ কৰি সৃষ্টিশীল মনৰ পৰিচয় দিছিল; পাছলৈ ১৯৭০ৰ দশকত কল্পবিজ্ঞান লিখাৰ লগতে অসম বাণী, সাদিন আদি কাকতত বিজ্ঞানৰ বাতৰি আৰু কাৰ্টুন প্ৰকাশ কৰি উত্তৰ-পূৰ্বাঞ্চলৰ প্ৰথম বিজ্ঞান-সাংবাদিক হিচাপে পৰিচিত হয়। কটন কলেজত ত্ৰৈলোক্য দত্তৰ পৰা কাৰ্টুন শিকা, ১৯৬৭ চনৰ পৰা ‘বিজ্ঞান জেউতি’ত লিখা আৰু পাছলৈ ইয়াৰ সম্পাদনা, ১৯২৫-৫১ চনৰ প্ৰথম অসমীয়া বিজ্ঞান আলোচনী ‘পশুপালন’ উদ্ধাৰ, বিশ্বনাথ মহাবিদ্যালয়ৰ ৰসায়ন বিভাগত অধ্যাপনা (১৯৭০-২০০৬) আৰু ১৯৮১ চনত অসমৰ প্ৰথম ‘ছাত্ৰ বিজ্ঞান শিবিৰ’ আয়োজনৰ কথা লেখাটোত আছে।
১৯৮০ৰ সূৰ্যগ্ৰহণ আৰু হেলিৰ ধূমকেতুৰ আলোকচিত্ৰ গ্ৰহণ, স্কুলৰ বাবে ৰসায়ন সঁজুলি-বাকচ উদ্ভাৱন, ১৯৯৭ চনত ‘গণেশে গাখীৰ খোৱা’ অন্ধবিশ্বাস খণ্ডন, ২০০১ চনত ‘আকাশ শিশু বিজ্ঞান অনুষ্ঠান’ আৰু ‘আকাশ প্ৰকাশন’ স্থাপন তথা ২০০৬ চনত ৰাজনৈতিক কাৰণত অসম্পূৰ্ণ হৈ ৰোৱা ‘বিজ্ঞান-গ্ৰাম’ পৰিকল্পনাৰ বিৱৰণ দিয়া হৈছে। ২০খনতকৈ অধিক বিজ্ঞান গ্ৰন্থ, ৯খন পাঠ্যপুথি, দুহাজাৰৰো অধিক লেখা আৰু ৮০টা আকাশবাণী কথিকাৰ লেখক বৰুৱাই ২০০৪ চনত বিজ্ঞান জনপ্ৰিয়কৰণৰ ৰাষ্ট্ৰীয় বঁটা, ঘনশ্যাম গোস্বামী বঁটা, পি আৰ সিং বঁটা আৰু অসম সাহিত্য সভাৰ অনিল চন্দ্ৰ সৌৰভী বঁটা লাভ কৰিছে। লেখাটোৰ শেষভাগত তেওঁৰ জন্ম, শিক্ষা, কৰ্মজীৱন, পৰিয়াল, প্ৰকাশিত গ্ৰন্থ, স্তম্ভ, সম্পাদিত ৰচনা আৰু সাংগঠনিক দায়িত্বৰ এক ধাৰাবাহিক জীৱন-বৃত্তান্ত সংলগ্ন কৰা হৈছে।
